СОС ОД ПИПЕРКИ / PEPERONI SALSA

Оваа фотографија на порција од паста РИГАТОНИ со СОС од ПИПЕРКИ и црни Маслинки прво ја ставив на Face book страницата: Menu Italy и беше добро прифатена од македонските пријатели! Затоа сега ке ви го дадам и рецептот, кој мене ми го даде мајката на мојата љубов. Мислам дека црвени пиперки и црни маслинки ќе најдете и во Македонија во овој период кога се прави зимница и ајвар, а во Италија се наогаат на пазарните тезги во секое годишно доба.

Потребни состојки за 2-3 лица:

• 
  
  4-6 црвени пиперки, зависи од големината
• 
  
  1 жолта пиперка
• 
  
   250 г  ригатони
• 
  
  2 л-ци маслиново масло
• 
  
  1/2 главица кромид, зависи од големината
• 
  
  1 чешне лук
• 
  
  сол, црн бибер
• 
  
  125 г кремасто сирење (може но немора)

Се печат пиперките во рерна на 200°C. Кога се печени од едната страна се вртат од другата за да се допечат. Се исклучува рерната и се оставаат да се изладат.Само кога ќе бидат потполно изладени се вадат од рерната, се лупат и чистат од семките, се сечат на парчиња.

На оган ја ставате пастата да се вари според упатството на кесата.  Продолжувате да го правите сосот.

Во тава со масло се пржи фино исечениот кромид, се додаваат излупените парчиња од пиперки, се добро се измешува  и се полива врз нив 1/2 чаша бело вино. Отткако ќе испари виното, се додаваат маслинките (исчистени од семката) и уште малку се остава на оган до исчезнување на поголем дел од течноста во тавата. Се додава сол и црн бибер според вкус.

Кремастото сирње заедно со дел од пиперките го миксате, додавате малку вода од варените ригатони и добивате еден вид крема од пиперки. Со кремата од пиперки и дел од останатите печени пиперки (ситно исечени) во длабока чинија ги мешате варените ригатони.

Ако не ставите кремасто сирење можете овој сос од парчиња пиперки и маслинки да го измешате со пастата ригатони (може и некој друг вид на паста), како што направив јас!

Се ренда и кашкавал (пармиџано) врз секоја порција од ригатони со пиперки, но не мора ако сакате да биде light..... et Voilà ( e вуола) паста ригатони е готова!

Овој сос е многу вкусен и створен за гурмани и обожаватели на ПАСТА. Можеби не е многу дигестивен и light.... но, за ручек може да биде доволна само една порција од 70-80 г. (за мажи може и 100-110 г)  паста со овој сос. Слаткиот и ароматичен вкус од ова јадење ќе ве натера да станете од масата со голема насмевка на лицето!!!:) Добар апетит!

Толку за денес,  до читање драг читателе! Чаоооооооооо!!!!

BRUSCHETTI / БРУСКЕТИ

Кога немате време да зготвите нешто брзо, вкусно и топло, немате ниту желба ниту воља да одите во пицерија или ресторан, тогаш направете ИТАЛИЈАНСКИ БРУСКЕТИ!

Брускетите се печени лепчиња во рерна и не постои некој посебен рецепт за нивна подготовка. Тоа што ќе го ставите врз лепчето го одредува вкусот на вашата БРУСКЕТА.

Се разбира основниот рецепт за италијанската брускета / BRUSCHETTА бара неколку основни продукти: поголемо парче леб, лук, домат (свеж или сос) и медитерански зачини како босилок или оригано во свежа или сушена состојба .

Подготовка на оригинален рецепт: 

Се загрева рерната на максимална температура околу 5-10 мин.

Го чистите лукчето, ги сечете на ситни парчиња доматите(ако се свежи), го сечете лебот (доколку не е исечен од производителот) на парчиња и ги ставате да се потпечат 5 мин во рерна. Потоа ги вадите и веднаш ја истривате површината со чешне лук. Врз парчето леб ставате домат, зачин (или од двата по малку), маслиново масло (од око) и тавата со лепчињата повторно се враќа во рерна (но со намалена температура на 200 степени Ц,)  По поминати 5 минути ги вадите ароматизираните и крцкави БРУСКЕТИ и веднаш ги послужувате.

Има многу варијанти на БРУСКЕТИ и секој може да ги прави со тоа што го има дома: кашкавал, моцарела или некој др.вид на сирење , со додаток на риба од конзерва ( јас ставив инчун, на хрватски), со листови од зеленчук итн. Се друго што може да се стави врз парчињата леб е индивидуален избор и малку фантазија на тој што ги подготвува.

Толку за овој пост. До следното читање ви посакувам: Добар апетит / Ciao e Buon apetito!

Следуваат фотографии од БРУСКЕТИ што ги правев пред некој ден:

                                                                            

                                                                             

       

П.С. Овие брускети се без лук и маслиново масло.                                                                                 

САЛАТА ЗА 4 ГОДИШНИ ВРЕМИЊА / INSALATA 4 STAGIONI / 4 SESON SELADS

        Ухххххх.... господе Боже, што да јадам денеска  (за ручек .... за вечера)???!!! Многу пати не знаеме што е тоа што ни се јаде, имаме недефинирана идеа за вкусот што сакаме да го почуствуваме во устата. Во такви моменти јас правам САЛАТА со тоа што имам на располагање во фрижидер и во долапите на мојата кујна. А, салата како оброк може да се јаде во сите сезони и во секое време.

        Кога се преселив во Италија, научив дека САЛАТА / INSALATA може да биде еден комплетен оброк а, не само прилог на јадење или мезе за со ракија. За ручек, многу италијанци преферираат голема порција на  INSALATA UN PO DI TUTTO /  САЛАТА ОД СЕ ПО НЕШТО! Ваква порција на салата за нив претставува коплетен оброк! 

Во чинија со зеленчук се додаваат: месо или риба, некое мешункасто растение (варен слануток, грав, леќа, грашок) разни растителни зачини, семкасти плодови и неизбежното и  здраво  МАСЛИНОВО ЕКСТРА ДЕВИЧАНСКО МАСЛО / EXTRA VIRGIN OLIVE OIL / OLIO EXTRA VERGINE .

        Различни варијации и комбинации можат да се направат и сите салати се одлични за здравјето: имаат малку калории, дигестивни се а, ги содржат сите  дневни потреби од витамини (свеж или обарен зеленчук и семкасти плодови), минерали (зеленчук), незаситени масни кислелини (маслиново масло), протеини (варени риба, месо, јајце, јагленохидрати (варен ориз, пченка, пченица).

Значи еден комплетен оброк според препорачаниот МЕДИТЕРАНСКИ НАЧИН НА ИСХРАНА.

Тоа што треба да се внимава е кој сезонски и локален зеленчук се употребува, односно да се употреби зеленчук  што го дава природата во одреден период од годината, во земјата каде што живееме. Сите ние сме интегрален дел на тоа што не окружува! Се друго е ФАНТАЗИЈА и ИЗБОР според сопствен вкус. И уште нешто моите салати ги зачинувам со т.н. ВИНЕГРЕТ, смеса од маслиново масло, оцет (лимон), сол, црн бибер и ... ДОБАР АПЕТИТ!

За денеска толку. Драг читателе до следниот мој пост: ПОЗДРАВ од СРЦЕ !!!

ФОТОГРАФИИ ОД МОИ СЕЗОНСКИ САЛАТИ:

ЛЕТО ( со ТУЊ)

ВИНЕГРЕТ: Смеса од масло, оцет (лимон) и мелен црб бибер)

 ЛЕТО (со ОРИЗ)



ЕСЕН ( со СКУША и КАРФИОЛ)

ЗИМА (со варен СЛАНУТОК / CECI)

ПРОЛЕТ

ЛЕТО (со пиперки и пилешко)

ЛЕТО (со скуша, ф'стаци, бадеми, сусам)

                                                                                                                                                                                          

                                                                                   

РОДЕНДЕНСКИ CHEESE CAKE или CHEESE CAKE di COMPLEANNO

           Пред некој ден правев роденденска торта со овошје и рикота (не солена урда). Во слаткарството секоја торта правена со некакво меко, несолено сирење се  нарекува Сheese Сake. Овој тип торта е идеална за в лето, наместо да се  пече се остава во фрижидер најмалку 24 часа. 

Мојата торта беше: CHEESE CAKE con PESCHE(песке) / со ПРАСКИ. Ова типично летно овошје со убав мирис и сладок вкус е омилено на оној за кој што ја правев оваа малку комплицирана торта. Но, вредеше сиот вложен труд... крајниот резултат беше успешен и изеден со голем апетит!:) 

Но, да одам со ред. Урда или на италијански: Ricotta, во Италија се нуди во две форми: свежа / frescha (несолена и кремаста) и тврда рикота со сол, оттстоена некое време во специјални технички услови и позната како сезонска солена урда / Ricotta stagionata. Мислам дека овие производствени техники во Македонија не се познати и затоа на македонскиот пазар наогаме само мека солена урда.

Рикота и Свежа Павлака / Panna fresca се употрбуваат многу во италијанското слаткарство. Тие се деривати на млекото и содржат помалку калории за разлика од некои други деривати како на пример путер, маскарпоне, крем павлака итн.

Зa мојата торта: Cheese Cake со праски потребни се следниве состојки:

• 600 г. кремаста несолена урда / рикота
• 4 големи, меки Савојарди или 8 мали пишкоти
• 600 г. праски (потврди)
• 150 г. шеќер (поситен)
• 4 јајца (собна температура)
• 1,2 дл млеко
• 2 дл свежа павлака
• 15 г желатин
• 1 не прскан лимон

Дел од потребните состојки

Процедура:

1) Во ладна вода го ставате  желатинот. Обложете со најлонска фолија едно подлабоко тавче со d=16 cm  и на дното (што позбиено) наредете ги савојардите или пишкотите.

Измијте ги праските, исечете ги на мали парчиња и ставете ги во врела вода што врие на оган околу 1 минута. Се исцедуваат и сушат со крпа и половината од нив се распоредуваат врз базата  од  савојарди (пишкоти).

2) Низ сито ја поминуваме рикотата или урдата за да биде уште по кремаста и ја оставаме да падне директно во длабока чинија, ја додавате и ренданата кора од лимон.

3) Во друг сад матите 4 жолчки со 100 г шеќер се додека не добиете светла и пенеста смеса во која истурате во тенок млаз смалчено млеко и овој сад ( советувам да биде со рачка) го ставате во тенџере со вода што врие. Така го варите со постојано мешање околу 10 минути, се додека со лажицата не осетите дека е малку згуснат. Го тргнувате од врелата вода и во него додавате 80% од растопениот желатин со мешање до комплетно растопување и оставате оваа смеса  да се излади. Кога е ладна ја додавате во рикотата со измешаниот лимон и добро измешувате. 

Во сад (претходно оставен 15 минути во замрзнувач заедно со маталките од миксерот) ја ставате свежата слатка павлака и постепено ја зголемувате брзината од миксерот и матите до згуснување. Добро згуснатата свежа павлака многу деликатно ја измешувате со претходната смеса од рикота. Во друг длабок сад ги матите белките со прстофат сол  до згуснување, така што кога ќе го превртите садот ништо да не излезе од него, а ова важи и за изматената свежа павлака.                  

На претходната смеса ги додавате и изматените како снег белки и мешате многу внимателно (од горе надолу) со лажицата  и кога се добро измешани и и компактни го добивате филот за оваа торта. Го ставате врз праските, ја израмнувате површината и ја ставате тортата во фрижидер (најмалку 12 часа). 

4) Во меѓувреме останатите парчиња од праските заедно со останатиот шеќер (20 г) и сокот од половина лимон се вари околу 20 минути на оган, се додека не се добие еден вид џем. Во него го ставате останатиот дел од  желатинот, мешате и го оставате комплетно да се излади. Потоа се  мачка врз тортата ( по изминатите 12 часа) и повторно ја ставате во фрижидер (да стои барем уште 2 часа). 

    

Овој Cheese cake, освен што е вистинска делиција поради вкусот и аромата има и релативно малку калории. Во едно големо парче торта има 400 kcal . Верувајте ми дека нема да зажалите за  вложениот труд и време во подготовката на оваа прекрасна торта. На здравје и Buon appetito!!! Ciaooooo до следното читање, почитувани пријатели!!!                                                                            

DUE PIATTI MAGRI ALL'ITALIANA / DVE POSNI JADENJA ALA ITALIJANA

Zdravo drag citatele! Eve me i deneska so drug post....(mnogu sum tvorecki plodna vo posledno vreme, neli?!) koj sto vo sustina e prodolzenie na vcerasniot, bidejki sum  dolzna za eden najaven, a ne objaven recept. Vcera gi zgotvivme cvetovite od italijanskite tikvicki, no ni ostanaa tikvicite.

Petok e i mnogumina od vas kako mene od verski, zdravstveni ili veganski pobudi denes mozebi postat ili ne se omrsuvaat so produkti od zivotinsko poteklo. Jas postam poradi zdravstvena navika, prakticnost i domasna ekonomija( doma sum sama i gotvam nesto lesno i brzo ili pak ako sum umorna ili izlezena si kupuvam lokalen specijaliteti od t.n. street food: farinata napravena od voda, brasno od ceci / slanutok( koj sto koga e ispecen  stanuva leblebija) i maslinovo maslo ili pak jadam focaccia / fokaca, svezo pecena ili spleskana i susena vo rerna, koja ja ima vo poveke verijanti, so kromid ili bez, so maslinki, so zalfija, ruzmarin ili nekoj drug mediteranski zacin. Znaci: jaglenohidrati, maslinovo maslo i zelencuk (ako sum doma pravam i salata).

Farinata od CECI

Denesniot recept  e so italijanski tikvicki koi sto se mali i lesno se przat ili dinstaat vo voda, se dodavaat vo sos i mozat da se pozajmuvaat vo gotvenje na milion drugi nacini. Jas vcera podgotviv PASTA so Tikvicki. 

Znaci, po lice se zemaat 250-300 g. tikvicki, 1 lazica maslo (preporacuvam maslinovo), 2 cesninja lukce, origano, lutko piperce (spored vkus), crn biber(malku) i sekako spageti.                    

 Podgotovka: Vo tendzere se stava da vrie voda + sol za spagetite. Vo maslo na ne mnogu silen ogan se przi lukceto (iseckano ili celo) i suvoto piperce, se dodavaat na sitni krugovi iseceni tikvickite, se dodava sol, crn biber, origano i se prodolzuva da se przat so postojano mesanje so drvena lazica.

Ili pak, otkako tikvickite se malku isprzeni mozete da gi poliete so belo vino koe otako ispari ostava tecnost (ako e potrebno se dodava plus malku voda) i gi pokrivate so kapak (gi dinstate) za pobrzo da se zgotvat (ako ste gi isekle na podebeli krugcinja)

Koga se vareni spagetite AL DENTE (spored upatstvoto na konfekcijata) se proseduvaat vo cedalka i se dodavaat vo tavata so przenite ili dinstani tikvicki. Dobro se izmesuva vo tavata i se servira vo plitka cinija.  Za dekoracija se poprskuvaat so citno seckan magdonos (moze ama ne mora). 

Spageti so przeni tikvicki

 Dinstani tikvicki

Dinstani tikvicki od blisku

Tuka zavrsuvam so pisuvanjeto.  Treba da zaminam vo supermarket  na pazaruvanje potrebni elementi za torta: CHEESE CAKE con PESCHE / Cizkeik so praski..... Malo znenaduvanje za mojata ljubov ...... pred nekoj den slavese rodenden!  Bevme izlezeni na rodendenska vecera vo restoran no, desertot sto go jadevme ne mu ostavi poseben vpecatok. Ke ja pravam vecerva za utre, da ottstoi vo frizider  edna nok .... no, za toa vo sledniot post. Do citanje drag citatele!                                                                          

ZUCCHINI ITALIANI - ИТАЛИЈАНСКИ ТИКВИЧКИ

         Од насловот на постов претпоставувате што се третира во него. Да, денеска ви  претставувам Тикви италијански! .... Не, не е шега: -)))......(како да не тикви ќе ми кажуваш ти мене!!!..... кога двајца македонци дискутираат, ајде да не речам се караат на некоја жешка тема, обично едниот му вели така на другиот). Жаргон на народот а, секој народ па дури и во иста држава има различен жаргон ..... Не знам дали ќе ја разберете оваа мала дигресија и простете ако не ви беше смешно!!!

        Но, да продолжам со претставувањето на ИТАЛИЈАНСКИ ТИКВИЧКИ или да ви ги претставам рецептите со овој зеленчук кој е добар за здравјето ( содржи многу вода во себе), хранлив е а, има малку калории значи диететски е погоден и за оние со некое килце од повеќе.

Zucchini con fiore = Италијански тиквички со цвет

Овие италијански Тиквици со цвет = Zucchini con fiori / Ѕукини кон фјори / се многу помалечки од нашите и често пати се продаваат со нивните цветови кои истотака се коместибилни. Да, да ..... се јадат и нивните цветови: можат да се поховаат и пржат, или се употребуваат при правење на сосови или пак можат и во салата да се додадат (но, само ако се свежи и од биолошко-органско производство). Јас пред 2-3 години донесов во Македонија семе од овој тип тиква, но тие што требаше да го посеат не ми дадоа никаква повратна информација, така што во мојот роден град се уште ги нема како пазарна понуда. Можеби би се јаделе цветовите и од македонските тикви, но кај нас таков специјалитет не постои, барем јас немам видено и јадено такво нешто во мојата земја.

Значи, денес ви понудувам два рецептa со zucchini  карактеристични за италијанската кујна. Првиот рецепт е: Fiori di zucchini fritti  / Пржени тиквини цветови.

Овој специјалитет се вбројува во т.н. FINGER FOOD=Храна што се јаде со раце и често се наоѓа на MENU / МЕНУ = МЕНИ на италијанските барови (бистроа) за време на т.н.  HAPPY HOUR = СРЕЌЕН ЧАС (од 18 до 21 ч.) каде италијанците враќајќи се дома од работа или пак намерно,  се наоѓаат со колегите и пријателите на разговор и дружење.

Состојките што се потребни се однесуваат за 4/5 цвета со средна големина: -

- цветови од тиквички
- белка
- нишесте
- масло
- сол

Матите со маталка или обична вилушка 1 белка со малку сол. Додавате  нишесте (од око) се додека не биде малку згусната изматената белка.

                                           

Матење на белка, сол и нишесте = ТЕМПУРА

Во оваа смеса ги валкате претходно исчистените цветови од нивниот толчник и ги ставате во врело масло да се пржат со почесто валкање од сите страни се додека не добијат убава црвена боја.    

                                       

Пржење во масло

              Пржени цветови од тикви

Кога се добро вцрвенети и крцкави се вадат на кујнска хартија за да се впие одвишокот на мрсно од цветовите, се пробаат и ако не се доволно солени повторно се попрскуваат со сол. Се послужуваат на консументите што потопли, впрочем како и секој пржен специјалитет, највкусни се кога се топли.    

                                                                             

                                                                         

Порција пржени цветови од мала тиква

Caprese a modo mio / Моја Капрезе и Scaloppine allattate / Млечни пилешки скалопини

Ме нема,... ме нема и еве денеска ви предложувам 2 летни италијански рецепти кои се прават брзо, не се многу калорични а, се вкусни и се припадници на т.н. здрава храна или Helth food. Овие јадења можете ги послужите како предјадење, (antipasto/антипасто) : CAPRESE / Капрезе, како салата / insalata и второ јадење,(secondo/секондо): Млечен пилешки стек. А, секако во лето кога е жешко можат да бидат изедени и засебно, како единствено јадење со лебче, крекери, солени кифли ...

Првиот рецепт нека биде популарната „CAPRESE al modo mio" / Капрезе на мој начин!

За оригиналната Капрезе ви се потребни : 1 или 2 домати / помодори, 2) моцарела / mozzarela и 3) Басилок / Basilico (оној со јадри листови).

За мојата Капрезе употребив Рукола / Rucola место Босилок. И двата вида на травки се со јак миризлив интензитет, само во прашање е вкусот кој што го преферирате! Јас искрено ги обожавам и двата типа!  Но, ви препорачувам сепак да употребите босилок, како во оргиналниот рецепт. Јас, дома имав само рукола кога ја правев Мојата Капрезе.

Моцарелата ја сечете на потeнки листови, доматите исто така на тeнки кругови (попреку по нивната ширина) и ги редите во чинијата алтернативно: моцарела, домат, босилок (рукола). Зачинувате само со сол, свежо мелен црн бибер и маслиново масло!

Тука запирам со пишувањето, но ќе продолжам попладне!...A, вие можете да го дочитате овој пост во некоја наредна прилика! Чаоооооо! Ciaoooo!

Од тука продолжува вториот рецепт: Млечен Пилешки Стек / Scaloppine di pollo al latte.
За жал немам фотки од текот на подготовката на ова јадење но, едноставно е и лесно може да се направи. Ставам фотки од крајниот дел, сервирано за јадење.

Состојки за 3-4 лица:  300г. пилешки гради тенко исечени на фети / scaloppini, 1 чаша млеко ( од 200/250 мл), брашно, маслиново масло, лукче, рузмарин.  
Ги набрашнувате фетите од пиле и ги оставате да се пржат во тава со маслиново масло до вцрвување од двете страни. 

Во меѓувреме млади или стари компири ги лупите и сечете (моја препорака е да бидат исечени поситно) и ги ставате во тава за печење во рерна. Истурате врз нив маслиново масло, ги протривате со раце и ги израмнувате во тавата. Јас во тавата ставам и некое чешне лук со неговата лушпа и малку рузмарин (свеж или сушен), но доколку не ги сакате јаките миризи на зачините може и без нив. Тавата ја ставате во загреана рерна (на висока t°C) и ги печете се додека компирите не бидат добро црвени а, некои и малку изгорени. Се посолуваат по вкус, веднаш по вадењето од рерна.

Кога пилешките стекови добро се зацрвенети, ги посолувате (пожелба ставате и црн бибер) и дотурате 1 чаша млеко. Го оставате млекото малку да испари, но не целосно, а ако е потребно дотурате и малку вода за на крај да добиете повеке сос. Во пилешките скалопини (стекови) наместо вода, можете да ставите зачинетата вода (вода со популарно речено: вегета) во која се варел некој зеленчук како: грашок, тиквички, печурки, аспарагус... и секако се додава и сварениот зеленчук! На тој начин млечните пилешки стекови стануваат еден комплетен оброк и нема потреба од компири како прилог = contorno/конторно.
Со овој начин на подготовка, пилешките гради стануваат многу кревки и меки за јадење и посебно се погодни за малите дечиња.

Пилешки стек мариниран во млеко и печен во рерна

Млечен пилешки стек со тиквички

                                                                                

Cuori di panna cotta = Срца од Од Варена Пана

            Од денеска почнува нов месец во годината, септември! Убав е овој месец. Пеколните жештини ги нема, сонцето е со послаб интензитет и пријатно е да се поминуваат неколку часа на отворено, под убавото светло сино небо на Џенова. Мене поголемиот дел од денот ми минува во затворено (работни и домашни обврски) и не ми останува многу време за излегување и скитање по убавите квартови на надментата дама. Но, кога имам можност користам и шетам сама, со некоја пријателка, со Алб (најчесто во негово друштво). Секое излегување е ново доживување за очите и духот, но и за непцето прилика да проба нов солен или сладок вкус. Пред некој ден, бев во центарот на Џенова и свратив во една слаткарница = Pasticeria Antica на кафе и колаче! Но, место колаче јадев благце со лажиче, или кремче (како оноа од слаткарницата на Лалата ... нема жител на Велес што нема јадено од кремчето на Лалата). Но, ова кремче имаше нов вкус и изглед. Италијанска работа!...Беше направен од едноставни продукти и креативна декорација со италијански стил!!! Срце од  Варена Свежа Павлака = Cuore di Panna Cotta. Свежата павлака е млечен продукт (не знам дали некој во Македонија произведува Свежа Павлака ???!!!), многу употребуван во Италија за правење на кремови и шлагови. Овој крем од свежа, но варена павлака „Пана Кота„ е вистински италијански слаткарски специјалитет со тапија од ЕУ. 

Значи за денес ви го предложувам рецептот: „Panna Cotta„ = Пана Кота. Јас го пронајдов оригиналниот рецепт по италијанските сајтови на интернет, дома го направив и вака течеше неговата подготовка.

За 4 мали срца потребни ви се:

• 250 мл Свежа Павлака
• шеќер од око  
• 1 стека од ванила
• желатин
• модли во форма на срце

Прво во чаша со малку вода (според упатството за правење на Желатин) се измешува прашокот од кофекцијата на желатин. Во тенџере на тивок оган се вари павлаката, шеќерот (пробајте дали ви е доволно благо) и зрнцата што излегуваат од пресечента стека од ванила. Се меша постојано се додека не почуствувате дека е  малку згуснато. Потоа во него се става стопениот желатин (може да биде и во форма на желатински листови), се меша и се истура во модлите со форма на срце. Се остава да се изладат и потоа се ставаат во фрижидер се до нивното послужување.

Срцата се служат засебно во чинија за колачи, премачкани со конфетура (џем) или мармалад од шумски овошја, но може и било кој друг вкус што го сакате вие!

Ете, за кусо време добивате екстра десерт, вкусен, здрав и без голем број на калории. Овој десерт е на менито на многу ресторани и слаткарници во Италија. На здравје да ви е и Buon Apetito!