3. 10. 2010.

ARANCINI ili SUPPLI / ПРЖЕНИ ЌОФТИНЈА ОД ОРИЗ

Денеска ви го претставувам рецептот наречен: Аранчини или Супли што потекнува од италијанскиот остров Сицилија. Земја освојувана и газена од многу доминатори што оставиле траги во нејзината архитектурата, во дијалектот на мештаните, во локалните специјалитети на националната кујна, во обичаите и народните танци, песни итн. 
Сицилија е земја на портокалите чии цветови во пролет на воздухот му даваат и мирисната нота, типично за оваа фасцинантна земја преполна со контрасти!
Аранчини / Arancini e оригинален сицилијански специјалитет, кој што во зависнот од филот со кој се полнат и приликата во која се послужуваат, може да биде или антипасто-фингер фууд  или секондо = главно јадење, послужено со некаков прилог од зеленчук = kontorno / contorno.
Од формата и бојата на овие пржени ќофтинја од ориз доаѓа и нивното име АРАНЧИНИ или преведено на македонски, ПОРТОКАЛЧИЊА. 
Доколку се наоѓате во Рим, можете да ги сретнете со друго име: СУПЛИ / SUPPLI  и се исполнети сo  други состојки.
Во овој пост ке дадам 2-3 рецепти за АРАНЧИНИ, сами направете избор според тоа кој што сака и милува да јаде.
Базата за овие рецепти е вашето ризото (од претходниот пост), кое барем една ноќ е оттстоено во фрижидер.
Состојки за оригинален рецепт:
  • ризото направено со 400 г. ориз
  • 1 кромид
  • 70 г парчиња на црн џигер од пиле
  • 70 г мелено телешко месо
  • 1/2 чаша бело вино
  • 1 јајце
  • вегетална супа
  • 60 г брашно
  • 40 г презла (мелени лебни трошки)
  • масло за пржење
  • сол
  • црн бибер
Прва фаза:
На умерен оган во тавче се пржат до вцрвување (неколку минути): фино исечканиот кромид а, потоа и парчињата од црн џигер. Најпосле се додава и телешкото мелено месо. Регулирајте со сол и црн бибер по вкус. По вцрвувањето на месото се истура во тавата од страна бело вино и се остава да испари алкохолот. Потоа се става една лажица брашно (јас го заменувам со нишесте), го измешувате и оставате да се вцрви. 
Истурате 2 црпалки од супата од зеленчук (вегета) што ја имате претходно подготврно и оставате да се вари со капак покриено на тивок оган, да се крчка околу 45 минути.Треба да добиете т.н. рагу или на наше кажано: манџа со ситно месо. Кога е готово се остава добро да се излади.
Во меѓувреме, ако немате ризото од претходниот ден, варите ориз со дел од супата и не го преварувате туку го оставате да биде Ал Денте.... да не биде многу кремаст, туку да се чуствува во уста и  да се џвака. Се остава и ризотото да се излади добро.
Втората фаза:  
Со дланките од рацете се формира топка од варениот ориз. Во средината се прави дупка со прст во која се става 1 лажиче од рагу и се затвора. Се внимава да се затвори добро за да не истече филот во текот на пржењето.
Отткако се направени топките од ориз се валкаат прво во брашно, потоа во јајце и најпосле во презла. Се пржат во по длабока тава во добро загреано масло (но, не сите наеднаш). Се пржат од сите страни до добивање на убава темно златена боја. Кога се готови и крцкави се вадат од маслото и се цедат на кујнска хартија. Се послужуваат веднаш, додека се топли!
Трета фаза: како што кажав погоре во постот, филот на АРАНЧИНИ може да се замени со други варијации од намирници: може да бидат вегетални: наполнети со обарен грашок со домат, со фил од печурки вргањ или шампињони; за љубителите на кашкавал: се полнат со моцарела, чаден кашкавал, урда; за оние по сувомеснато: мортадела, салама итн. Оставете ја вашата фантазија и вкус да ве водат во изборот на намирници.
Состојки за моите СУПЛИ




        Тука завршува овој пост. До следниот мој рецепт ви посакувам се најдобро и до читање.....Секако направете ги аранчините или моите супли и Добар апетит!
                                                                              
                                                                                                                                      


  
       

1. 10. 2010.

RISOTTO СО МАКЕДОНСКИ ОРИЗ / RISOTTO CON RISO MACEDONE

                                                                                          
Есен е ... Промените на времето и надворешната температура ја вратија желбата за домашната атмосфера и миризот на топлите јадења. Штом ќе влезем дома после еден напорен и врнежлив ден, уште од врата го чуствувам миризот на мојот дом  и веднаш се чуствувам задоволно комотна и ....среќна. Во малите нешта е тајната, тие ја прават суштината на животот.
Во тие мали нешта спаѓа и домашната кујна. Во мојот дом јас сум апсолутен господар во кујната...иако, некогаш се жалам и барам некој да ми помогне, да ја постави масата или зошто да не и да ме замени, да зготви нешто топло, вкусно, убаво за око,
ароматично со што ми прави задоволство и на непцето и на душата. Во такви моменти мојата љубов ми приготвува РИЗОТО БЕРТИ. Еве го рецептот...но, нема правило за конечниот вкус на ова топло јадење кое што мене ми предизвикува чувство дека сум сакана и згрижена ...... ме враќа во детството, во родителската куќа, во прегратката на мојата мајка. На пример: Пудинг од ориз или македонски сутлијач, десертот што ме чекаше секогаш кога ќе се вратев дома ......
Потребни состојки за едно лице: Ориз 70 -100 г, кромид 1/2 главица, 1/3 од чаша бело вино,  2 домати (помали) свежи или пире од домати, 1 л супа од зеленчук во прав или коцка, сол, црн бибер, пармиџано (пармезан) или магдонос според вкус.
Вино во пржениот кромид 

По испарување на алкохолот се пржи и оризот

Ставање на супата од зеленчук


Се додава и доматот и се вари околу 1/2 час
Порција РИЗОТО со Македонски ориз
Сугестии: За оние што сакаат да постат, место пармиџано (пармезан) или друг вид на тврд кашкавал што се ренда отткако е варено ризотото може да се стави ситно сечкан магдонос а, за супа да се користи вегетална коцка.

Препорака: Направете дупла доза на ризото од потребната, бидејќи следниот пост ќе има рецепт за ЌОФТИЊА од ОРИЗ или т.н. АРАНЧИНИ или СУПЛИ за што се користи ризото оттстоено барем една ноќ во фрижидер. Утре, мислам да го објавам ...
Ете, тука завршува овој пост. До следниот пост драг читателе, упатувам едно големо и срдечно ЧАО!