Паста со крема од сушени домати

Пастата е типично италијанско јадење и е кралица на Медитеранската исхраната. Вкусно е за на око како и за непцето и многу заситува. Пастата е одлична замена за лебот и стомакот се заситува побрзо со помала количина од неа. Италијанците имаа навика сосот во чинијата со паста да си го измакаат со лепчето кое неизбежно е присутно на трпезата.

Нутриционистите препорачуваат порцијата од паста за ручек или вечера речиси секогаш да биде дополнета со некаква свежа салата. 
Денешниот рецепт на блогов е:

Паста со крема од сушени домати

Незнам како можев досега да не пробам исушени домати и како можев да живеам без нивниот слатко-киселкав вкус. Кога бев малечко девојче во текот на летниот период  се сушеа домати во некои дворови на моето маало и знаев дека домаќинките тоа го правет како начин на конзервирање на доматите за зимница но, искрено потполно сум го изумила. Во италијанските супермаркети пронајдов сушени домати ставени во тегличка и зачинети со сончогледово масло и некои медитерански зачини, а рецептот го земав од една книга со наслов „Зготви и изеди“. Ова песто кое  брзо и едноставно се пртвора во крема многу лесно се подготвува и подолго време може да потрае во фрижидер. Сушените домати го заробуваат витаминот Ц во фазата на сушење на сонце и се одлична замена за свежите домати во есен, зима или пролет.

Состојките за денешниот рецепт се следните:

      -         една тегла сушени домати (180 г)

-         грст од пиноли (преведено од Гугл како борови ореви)

-         пармезан ситно рендан

-         луто суво толчено пиперче

-         магдонос или босилок

-         пармезан јадро рендан за декорација

-         сол

Подготовка:

Во кутијата со кутер од миксерот, се става целата содржина од тегличката заедно со пинолите и пармезанот и се миксаат се додека не се добие густа смеса натречена песто. Повторно се враќа во теглата и се покрива со масло и така конзервирано може да стои во фрижидер до 3 недели.

Доколку се прави пестото од домати во периодот пред ручек го оставате настрана продолжувајќи со варење на пастата во тенџере со вода и сол. Додека пастата се вари, ставате во една тава одредена количина од песто и малку вода од шпагетите што се варат, лутото толчено пиперче и го разредувате и топлите  правејќи го како крема. Кога пастата е варена, ја процедувате и додавате во тавата со кремата од сушени домати, измешувате и сервирате во чиниите. За декорација може јадро или ситно да се изренда уште малку пармезан, наросувате сечкан магдонос или босилок и Вуола ( Voilà ) пастата е готова. Добар апетит!!!

Октопод на Лигуриски начин - Polpo alla Ligure

Аххх ... Лигурија, Џенова, Санта Маргарита, Портофино ... толку прекрасни места со безвременска убавина. Не може да се опише ... само треба да се посети и да се види убавината на природата и архитектурата. Но, затоа може да се вкуси нешто од традиционалната лигуриска кујна, толку многу едноставна но со инзвонредна рамнотежа меѓу плодовите од родната земја и морето.

На блогот досега постирав само еден специјалитет од кујната на прекрасната Лигурија, поточно од Џенова: „Трофие со песто џеновезе“ но денеска постирам и едно „секондо“, типично за лигуриската кујна: „Полпо ала лигуре“ или „Октопод на лигуриски начин“.

Подготовка: лесна – за 4 лица / 395 кал од порција

Состојки:

- октопод од 1 кг свез или замрзнат (или 2-3 помали)

- 700 г компири

- 100 г маслинки црни (со извадена семка)

- 1 чешне лук

- 1 сноп магдонос

- 1 лимон

- е.в.о маслиново масло

- сол и ц.бибер

Компирите се мијат и лупат. На оган се става подлабоко тенџере полно со малку солена вода во која го ставате октоподот (претходно целосно одмрзнат). По 10 минути од варењето се ставаат излупените компири. Се вари уште 35 - 40 минути. Октоподот и компирите се вадат од врелата вода, малку се ладат и се сечат на парчиња. Сите парчиња заедно се ставаат во подлабока сад за послужување. Маслинките се сечкаат и тие се додаваат во садот со парчињата од октопод и компири и се измешуваат. Се додава и измиениот и исушен магдонос исечкан заедно со чешнето лук заради арома се зачинува со 5 лажици масло, сол, малку свежо мелен црн бибер и сок од лимон. Добро се измешува и се служи топло или пак ладно во лето.

Овој специјалитет припаѓа на групата „секонди“ а, за пиење се служи бело или розе вино со овошна нота.

Крем супа од праз и тиква / Zuppa di zucca e porri

                 Пред некој ден со еден  пријател дискутирав за тоа како во денешницава да се јаде квалитетно  кога се располага со малку време и со малку пари. Тој вели дека е неможно да се постигне рамнотежа меѓу овие две работи. Јас пак велам дека може ако се има желба и воља. Доволно ќе биде само да се земе и приготви тоа што природата обилно го дарува во текот на една сезона. Сезонскиот зеленчук и овошје се достапни на пазарите а, имаат и пристапни цени. Со нивното секојдневно користење јадеме подобро, помалку и го прочистуваме организмот. Консумирањето на зеленчук и овошје е базата на медитеранската диета со чии бенефиции добро сме запознати. Затоа, пријателот го поканив да го следи мојот блог и да се увери во можниот спој меѓу тенок паричник и малку слободно време за готвење.

Тип на јадење : Primo за 2-3 лица

Подготовка: 30 мин, економично

Состојки:

1 парче од тиква

2 компира

2 стека од праз

чешне лук

магдонос

масло

150 г грашок (посебно обарен)

спек или пршута (може но не мора)

Подготовка:

1. тиквата се лупи и сече на мали коцки

2. се чисти и ситно се сечка празот

3. се чисти и ситно сечка и лукот

4. Во длабок сад на тивок оган со 2 лажици масло се пржи празот, се додаваат и компирите исечени на мали коцки. Се добро се помешува и остава малку време да се испржи . Се додаваат и коцкичките од тиква. Се истура вода за да се покрие смесата, се зачинува по вкус со вегета во коцка или во прав и се вари 20 минути се додека состојките не се омакнат. На крај се поминува со блендерот и се додава обарениот грашок.

Крем супата се послужува топла со кростини од лепче (печено) и спек (пршута) исечен на ленти и испржен без масло во тефлонската тава. Магдоносот може да се стави во варењето (како мене) или исечкан да се пороси во чинијата при служењето на супата.

П.С. И ова "primo" јадење е претставник на медитеранската исхрана  и одлично се совпаѓа со мојата диета за губење на неколку килограми. Тиквата е зеленчук кој содржи вода и многу растителни влакна и следствено има многу малку калории. Препорачувам супата да се јаде за вечера, топла зашто згрева и заситува во долгите зимски вечери. Добар апетит!!!
Инаку, јас за вечера ќе правам КАЈГАНА од јајца со компири и брокула а, рецептот ќе го објавам утре.

Фритата италијана или кајгана со зеленчук

Ovoj post go pisuvam vo eden zesok avgustovski den, tuka vo Genova. Metezot na ulicite i soobrakajot vo gradot denovive vidlivo e namalen zaradi tradicijata italijancite najmnogu da  zaminuvaat na godisen odmor vo mesec avgust. Ovaa tradicijata se sledi uste od vremeto na rimskiot imperator Oktavijan Avgust (Otaviano Augusto), koga lugeto vo tie damnesni vreminja se zanimavale so zemjodelski raboti i se odmarale vo mesec avgust, po zavrsenata zetva vo juli i pred pocetokot na grozdoberot vo septemvri. Imperatorot Avgust go proglasil ovoj mecec za mesec na Odmor = Ferrie. Zatoa se narekuva Ferrie di Agosto ili na kuso Ferragosto = Avgustovski odmor.
Na 15 avgust italijanskite katolici ja praznuvaat i Golema Bogorodica, znaci vo avgust se slavi i Golam verski praznik! Zatoa SITE SE NA ODMOR... na letuvanje na more, ezero, planina, na prestoj vo nekoja agriturizam (na nase selski turizam) ili na rekax vo nekoja SPA ....
I taka, vo Genova onie sto ostanuvaat doma kako mene imaat moznost spokojno da go razgleduvaat gradot (...a, veruvajte ima i sto da se vidi) i okolinata i uste po spokojno da uzivaat na plazite pokraj moreto!
Poradi ovie pricini gotvenjeto  vo ovoj period mi e vo vtor plan. Podgotvuvam nesto brzo, lesno i pred se ne mnogu kaloricno, sto ke bide vkusno i digestivno. Koga ne sum doma najcesto jadam t.n. Street food = Cibo di strada = Ulicna hrana od tipot : Fokaca, Farinata, Pizza, Insalata di pasta, Insalata di riso, razno ovosje itn.
Deneska sum doma sama i ne ispazaruvav nisto! A i vremeto e oblacno i sparno, takasto ne mi se izleguva nikade.Zatoa podgotviv rucek so toa sto go najdov vo frizider i vo dolapite na mojata kujna..
A, gi najdov slednite namirnici:

• jajca (2)
• kromid crven
• boranija zelena ( zamrznata pa potoa varena)
• magdonos (edna saka)
• sol
• crn biber
• lutko crveno suvo piperce
• maslo (jas upotrebiv maslinovo)

i zgotviv vkusna Fritata ili Kajgana so zelencuk.
Napraviv foto sesija od nejzinata pogotovka  i ja prikaciv na ovoj post. Nema potreba od zborovi i objasnuvajna, samo sledete gi fotkite i se ke bide jasno!  Buon apetitio! Na zdravje!

   

     

Паста ШУЕ ШУЕ

Во лето има денови кога е многу топло, без идеја сте и немате многу воља за готвење ...Или пак сте многу зафатени со др. работи и не сте биле на пазар, во продавница .... Или пак метафорички речено, фрижидерот ви е како отворена уста без заби.....и плаче!
Ве фаќа паника и....уф, лелееее!!!.... што ќе зготвам денеска, немам ништо свежо во фрижидер освен некој домат, некоја пиперка.....
Ете во такви денови, италијанските готвачи и готвачки во најдобриот ресторан по име „ДОМА„  подготвуваат пјато ди паста (порција паста): „СПАГЕТИ ШУЕ ШУЕ„. Сега ке ви го дадам мојот рецепт за подотовката на ова ПРИМО ПЈАТО.
 Состојки за една порција:

• 6-7 Мали шери (како цреши) домати или какви имате (ако треба ќе ги исецкате)
• 10-ина ливчиња Босилок / Базилико или Магдонос
• Лукче
• 1 л-ца Маслиново масло
• Лутко мало пиперче (1,2....зависно колку лутат)
• Паста: СПАГЕТИ (на наше ШПАГЕТИ)

На оган се става тенџерето со вода да зоврие. Во неа додаваме лажиче сол (1:1:1), мешаме и гу ставаме шпагетите да се варат според означеното време.
Во меѓувреме, во една мала тава со масло на послаб оган се пржи до вцрвување ситно исечени парчиња од лукчето (1,2 ... колку што сакате) и пиперчето. Добро зацрвенети се вадат од маслото во чинијата каде ќе се сервираат шпагетите.
Исечените на половина шери домати и искинатиот со раце босилок се ставаат во ароматизираното масло од лукче и се оставаат 3-4 минути да се поварат. Тавата се покрива со капак за полесно да се одвои лушпата од патлиџанот (некој лушпата не ја вади).  Претходно може да се додаде малку од солената вода во која се варат шпагетите. Вака јас ја задоволувам потребата од додавање сол во сосот.
Кога шпагетите се варени Ал Денте, добро се процедуваат и се додаваат во тавата со доматите, се измешуваат внимателно и се сервираат во плитка чинија каде се ставени парченцата од лукче и пиперче. Се придодава со раце искинат босилок или ако преферирате ситно сечкан магдонос, повторно се измешува се заедно и: Е ВУОЛА (француски израз, често употребен кога јадењето се послужува), ПАСТА ШУЕ ШУЕ е готова!